top of page

जनता मावि गढवामा विश्व महिनावारी स्वच्छता दिवस मनाईयो




गढवा, १५ जेठ । क्रियटिङ पोसिबिलिटिज नेपाल (सीपी) को आयोजना र जनता माध्यमिक विद्यालय गढवाको समन्वयमा गढवामा विश्व महिनावारी स्वच्छता दिवस मनाइएको छ ।


सो अवसरमा सीपी नेपालले किशोरीहरुका बीच महिनावारी स्वच्छता सम्बन्धी सचेतनात्मक कार्यक्रम संचालन गरेको हो । कार्यक्रममा सहभागिहरुले महिनावारी जीवनको शुरुवात गर्न नारीलाई सक्षम बनाउने पाटो रहेकाले यसको स्वस्छताका विषयमा घरपरिवार र विद्यालयमा छलफल हुनु पर्ने बताएका थिए ।






सोही विद्यालयमा कक्षा १० मा अध्ययनरत छात्रा संगीता पराजुलीले महिनावारीमा सबैभन्दा ठुलो कुरा सरसफाई नै रहेकाले यसलाई मर्यादित बनाउन अँझ सचेतना कार्यक्रमहरू संचालन गर्नु पर्ने बताउनुभयो ।


त्यस्तै अर्को सहभागी जेनिशा पुन मगरले महिनावारीका समयमा सरसफाईका साथसाथै पोसिलो खानेकुराहरू पनि आवश्यक रहने कुरा बताउनु भयो । त्यस्तै कक्षा १० मा अध्ययनरत छात्रा प्रसुना पाण्डेले महिनावारीका समयमा अँझै पनि घरपरिवारमा अन्धविश्वास रहेकाले यसलाई मर्यादित बनाउन घरपरिवार र विद्यालयमा यसको स्वस्च्छताका बारेमा छलफल भएमा अँझ फलदायि हुने बताउनु भयो । सो अवसरमा महिनावारी कपको बारेमा समेत जानकारी दिईएको थियो ।



सो सचेतना कार्यक्रममा ५५ जना किशोरीहरुले सहभागिता जनाएका थिए भने कार्यक्रमको सहजिकरण महिला स्वास्थ्य संयोजक प्रेसा चौधरी र किशोरी शिक्षाकी सहजकर्ता सिता कुमालले गर्नुभएको थियो ।

यसैगरी अन्र्तराष्ट्रिय स्तरमा सन् २०१४ देखि मनाउन सुरु गरिएको दिवस नेपालमा सन् २०१५ देखि मनाउन थालिएको हो । हरेक वर्ष मे २८ का दिन महिनावारीसँग सम्बन्धित समस्याहरुलाई निराकरण गर्दै विश्वभरका सबै महिलाहरुलाई आफ्नो महिनावारी सुरक्षित र स्वच्छ बनाउनका लागि सशक्त बनाउने उदेश्यले यो दिवस मनाउदै आइरहेको छ ।


१५ जेष्ठ २०८०, सोमबार ००:१५

गणतन्त्रनेपाल मार्फत प्रकाशित



https://ganatantranepal.com/2023/05/29/12097/







12 views0 comments
bottom of page